മലയാള സിനിമയുടെ നിറയൗവനം മമ്മൂട്ടിക്ക് ഇന്ന് 73-ാം പിറന്നാൾ. കുടുംബത്തോടൊപ്പം ചെന്നൈയിലെ വീട്ടിലാണ് പിറന്നാൾ ആഘോഷം. ഇതിന്‍റെ ചിത്രങ്ങളും വീഡിയോകളും സോഷ്യൽ മീഡിയയിൽ പങ്കുവച്ചു.
എന്നത്തെയും പോലെ ഇക്കൊല്ലവും ആരാധകര്‍ അദ്ദേഹത്തിന്‍റെ എറണാകുളത്തെ വസതിക്കു മുന്നില്‍ സര്‍പ്രൈസ് ബര്‍ത്ത്‌ഡേ പാര്‍ട്ടിയുമായി എത്തി. ആരാധക വൃന്ദത്തോട് പതിവു പോലെ വീഡിയോ കാളിൽ മമ്മൂട്ടി സംവദിച്ചു. അസിസ്റ്റന്‍റ് മാനേജരുടെ ഫോണിലൂടെയാണ് വീഡിയോ കോളില്‍ എത്തിയത്. കേക്ക് മുറിച്ചും പൂത്തിരി കത്തിച്ചും മമ്മൂട്ടിക്ക് ജയ് വിളിച്ചും മമ്മൂട്ടി ആരാധകർ ആഹ്ലാദം പങ്കുവച്ചു.
അതേസമയം, മമ്മൂട്ടിയും കുടുംബവും ഇന്നലെ വൈകിട്ടോടെ കൊച്ചിയില്‍നിന്ന് ചെന്നൈയിലെ വീട്ടിലേക്ക് പോയിരുന്നു. പിറന്നാള്‍ ആഘോഷങ്ങള്‍ക്കു ശേഷം അദ്ദേഹവും കുടുംബവും രണ്ടാഴ്ചത്തെ വിദേശ പര്യടനത്തിന് പുറപ്പെടും. സിങ്കപ്പൂരിലേക്ക് പോകുന്ന താര കുടുംബവും ഒരാഴ്ച അവിടെ ചെലവഴിക്കും. അവിടെനിന്ന് വിയറ്റ്‌നാമിലും ഒരാഴ്ച ചെലവഴിച്ച ശേഷം കൊച്ചിയിലേക്ക് മടങ്ങും.
